सदरलाइनडटकम,
डुडुवा (बाँके) : नेपालगञ्जमा कोरोना संक्रमितको संख्या एक्कासी बढेलगत्तै उपमहानगरसँग सीमा जोडिएको डुडुवा गाउँपालिका वडा नं. ६ हिरमिनियालाई पूर्णरुपमा लकडाउन गर्न लागिएको छ ।
वडाध्यक्ष मोहनराम मिश्रको अध्यक्षतामा सोमवार बसेको सर्वदलीय बैठकले मुख्य मार्गबाहेक गाउँटोललाई पूर्णरुपमा लकडाउन गर्ने निर्णय गरेको हो । स्थानीय राजनीतिक दलका प्रतिनिधी, नेपाल प्रहरी, सशस्त्र प्रहरीलगायतको उपस्थिती रहेको बैठकमा एक टोलबाट अर्को टोलमा आवत जावतमा कडाई गर्ने, स्वयंसेवक गठन गरि परिचालन गर्ने निर्णय भएको छ ।
यस्तै मन्दिर–मस्जिदमा रहेको साउण्ड सिस्टमबाट वडाबासीलाई जानकारी गराइने र कृषि उत्पादनको समाधानका लागि जिल्ला प्रशासन कार्यालय बाँके तथा कृषि ज्ञान केन्द्रसँग पहल गरी व्यवस्थापन गर्ने निर्णय भएको वडाध्यक्ष मिश्रले बताए ।
डुडुवा ६ पूर्णरुपमा लकडाउन
२२ बैशाख २०७७, सोमबार १७:४८
