सदरलाइनडटकम,
नेपालगञ्ज : नेपालगञ्ज उपमहानगरपालिका प्रथम मेयर कप रनिङ्ग शिल्ड खेलकुद प्रतियोगिता २०७६ माघ २७ गतेदेखि नेपालगञ्जमा हुने भएको छ । मंगल मावि नेपालगञ्जमा २९ गतेसम्म चल्ने प्रतियोगितामा नगरभित्रका सामुदायिक र संस्थागत गरि ५६ विद्यालयका विद्यार्थीहरुको सहभागिता रहने ।
मेयर कपसँगै अन्तर माविस्तरीय राष्ट्रपति रनिङ्ग शिल्डको खेलाडी छनौटसमेत हुनेछ । प्रतियोगिताको आयोजना तथा ब्यवस्थापन समितिका संयोजक नेपालगञ्ज उपमहानगरपालिका शिक्षा शाखा प्रमुख गोर्खबहादुर थापाको अध्यक्षतामा बुधवार सरोकारवालाहरुको बैठकको निर्णयानुसार प्रतियोगिता हुने भएको हो ।
सहभागी विद्यार्थीले २४ गतेभित्र शिक्षा शाखामा आवश्यक कागजातसहित नाम दर्ता गराउनु पर्ने बैठकले निर्णय गरेको छ । यसैगरी मार्चपासका खेलमा सम्बन्धित खेलाडीलाई मात्रै सहभागी गराउने बैठकले निर्णय गरेको छ । सहभागी खेलाडी १८ वर्ष मुनीको हुनुपर्ने र त्यसको सिफारिस गर्ने जिम्मा प्रधानाध्यापकको हुने बैठकले निर्णय गरेको छ ।
नेपालगञ्जमा रनिङ्ग शिल्ड प्रतियोगिता हुने
२२ माघ २०७६, बुधबार १८:५२
