नेपालगञ्ज : बाजुराको बुढीगंगा नगरपालिकाको प्रमुख र उपप्रमुखमा एमाले उम्मेदवार निर्वाचित भएका छन् । स्थानीय तह निर्वाचन अन्तर्गत् शनिवार भएको मतगणनाको आइतवार सार्वजनिक परिणामअनुसार प्रमुखमा एमालेका उम्मेदवार रामबहादुर बानियाँ र उपप्रमुख उम्मेदवार मायाकुमारी खड्का (कुँवर) निर्वाचित भएका हुन् ।
बानियाँले ४ हजार ७७७ मत ल्याएर निर्वाचित हुँदा उनका निकटतम् प्रतिद्वन्दी काँग्रेसका रंगबहादुर खातीले ३ हजार ७७४ मत पाएर पराजित भए । उपप्रमुखमा कुँवरले ४ हजार ७२७ मत ल्याएर निर्वाचित भएकी हुन् । बुढीगंगामा ९ हजार १२८ मत खसेको निर्वाचन आयोगले जानकारी दिएको छ ।
