सदरलाइनडटकम,
कोहलपुर (बाँके) : बाँकेको कोहलपुरमा जारी ११ औं क्रिसा रनिङ्ग शिल्ड प्रतियोगिताको मावि तहको छात्रा तर्फको सटपुटमा गोरखा यूनाईटेड पब्लिक स्कुलकी छात्रा पूर्णिमा खड्का प्रथम भएकी छिन् । प्रतियोगिताको दोस्रो दिन सम्पन्न भएको माविस्तरीय सटपुटमा प्रयत्न स्कुलकी छात्रा सविना वली द्वितीय र दिपज्योति विद्याश्रमकी मन्जु राना तृतीय भएकी छिन् भने छात्रा तर्फ दिपज्योति माविका सुनिल दडेल प्रथम, निम्बल एकेडेमीका अन्तिम बम द्वितीय र स्काईल्याण्डका यन्दीप थापा तृतीय भएका छन् ।
त्यस्तै लङ्गजम्प तर्फ छात्र तर्फ हिमालय विद्यानिकेतनका आकृष कुँवर, दिपज्योति माविका बुद्विराम बस्नेत र दिव्यविद्या सदनका सरोज चौधरी तृतीय भएको छन् भने छात्रा तर्फ ग्रिनपिस माविकी तुल्सा परियार प्रथम, जनज्योति पब्लिक स्कुलकी अन्जलि चौधरी र हिमालय विद्या निकेतनकी सरु गुरुङ्ग तृतीय भएकी छिन् ।
त्यस्तै प्रतियोगितामा प्रावि (कक्षा १देखि ५) तह एक सय मिटर दौड छात्र तर्फ डाइनामिक स्कुलका आदर्श चौधरी प्रमथ, जनज्योति पब्लिक स्कुलकी निलम थारु द्वितीय र साईनिङ्ग स्टारकी ज्ञानु सुनार तृतीय भएकी छन् भने छात्रा तर्फ हिमालय विद्यानिकेतनकी रिमद थारु प्रथम, पञ्चमुखी माविकी रेश्मी बाल्मीकि र दिपज्योति विद्या निकेतनकी भावना बिसी तृतीय भएकी छिन् ।
साथै म्युजिकल चेयरको छात्र तर्फ स्काईल्याण्डका निश्चल श्रेष्ठ प्रथम, वस्र्टन माविका सनिर सुनार द्वितीय, लिटिल फ्लावरका शिव बस्नेत तृतीय र एस मदरल्याण्डकी सवितापुमगर प्रथम, दिपज्योति विद्यानिकेतनकी भावना बिसी द्वितीय र नमूना विद्या सदन माविकी सुजता कार्की तृतीय भएकी छिन् । प्रतियोगिताको दोस्रो दिन चार सय ईन्टु चार मिटर रिले दौडको हिट सम्पन्न भएकोछ । प्रतियोगिताको शुक्रवार समापन हुने क्रिसाका अध्यक्ष दिनेश सिग्देलले जानकारी दिएका छन् ।
क्रिसा रनिङ शिल्डको सटपुटमा गोरखा प्रथम
२६ मंसिर २०७६, बिहीबार १७:२८
