सदरलाइनडटकम,
काठमाण्डौ : नेपाल कम्यनिस्ट पार्टी (नेकपा)ले सांगठनिक एकता टुंगो लगाउने गठित कार्यदल भंग गरेको छ । अब शीर्ष नेताहरु रहेको सचिवालयले सांगठनिक एकताको प्रस्ताव तयार पारेर स्थायी कमिटीमा पेश गर्नेछ । प्रधानमन्त्री निवास बालुवाटारमा शुक्रवार बसेको सचिवालय बैठकले कार्यदलको म्याद थप नगर्ने निर्णय गरेको हो ।
बिहीवारको सचिवालय बेठकमा संयोजक रामबहादुर थापा बादलले पेश गरेको कार्यदलको प्रतिवेदनमा एक साता समय माग गरिएको थियो । बैठकमा बोल्ने कार्यदलका बहुमत सदस्यहरुले पनि म्याद थप्नुपर्ने धारणा राखेका थिए । तर प्रधानमन्त्री एवं अध्यक्ष केपी शर्मा ओलीले कार्यदल विघटन गर्ने प्रस्ताव गरेका थिए ।
शुक्रवारको सचिवालय बैठकले ओलीकै प्रस्तावअनुसार निर्णय गरेको छ । सचिवालयको बैठकले अहिलेसम्म कार्यदलले गरेको कामको धन्यवाद दिने निर्णय गरेको भन्दै प्रवक्ता नारायणकाजी श्रेष्ठले अब प्रस्ताव सचिवालयले तयार गर्ने र स्थायी समितिमा पेश गर्ने निर्णय भएको जानकारी दिए ।
एकता टुङ्ग्याउन गठित नेकपाको कार्यदल भंग
१० फाल्गुन २०७५, शुक्रबार १५:३७
