सदरलाइनडटकम,
नेपालगञ्ज : ठूलो परिमाणको लागुऔषधसहित दुई नेपाली महिला भारतीय सीमावर्ती बजार रुपईडिहामा पक्राउ परेकी छन् । भारतको हिमाञ्चल प्रदेश जान लागेकी दुबै महिलालाई ६ किलो ४ सय ग्राम चरेशसहित भारतीय एसएसबीले पक्राउ गरेको हो ।
रोल्पा थावाङ वडा नं. १ बस्ने ४८ वर्षीया मायादेवी र रुकुम कनक वडा नं. ६ बस्ने २८ वर्षीया सिरकुमारीलाई सशस्त्र सीमा बल र रुपईडिहा थानाको प्रहरी टोलीले रोडबेज स्टेशनबाट पक्राउ गरेको हो ।
नेपालगञ्जबाट भारत जान लागेकी दुबै महिलाको साथबाट बरामद गरिएको उक्त चरेश अन्तर्राष्ट्रीय बजारमा करीब ३ करोड मूल्य बराबर रहेको भारतीय प्रहरीले जनाएको छ । पक्राउ परेकी दुबै महिलालाई चरेशसहित जिल्ला कारागार बहराईच पठाइएको रुपईडिहा थाना इञ्चार्ज मधुप नाथ मिश्रले बताएका छन् ।
ठूलो परिमाणको चरेशसहित दुई महिला पक्राउ
५ फाल्गुन २०७५, आईतवार १७:५७
