सदरलाइनडटकम,
नेपालगञ्ज डेस्क : पश्चिमी वायुका कारण देशभरको मौसम प्रभावित भएको छ । उच्च हिमाली जिल्लामा ठूलो हिमपात हुने देखिएको छ । शनिवारबाट हिमपात शुरु भई मंगलवारसम्म रहने जल तथा मौसमविद् वरुण पौडेलले बताए ।
पौडेलका अनुसार देशभर बदली भई केही ठाउँमा वर्षा हुने र हिमाली जिल्लामा उच्च हिमपात हुने देखिएको छ । मनाङ हालको तापक्रम माइनस १८ डिग्री रहेको छ भने खुला निलो आकाशमा कालो बादल देखिन थालेको छ । अचानक मौसममा हेरफेर भएकाले सेता हिमाल बादलले ढाकेको हो ।
प्रमुख जिल्ला अधिकारी रुद्रनाथ देवकोटाका अनुसार खोला, धारा लगायत पानीका मुहानहरू जमेका छन् । आगोको छेउमा रहेर दिन बिताउनु पर्ने बाध्यता छ । चिसो छल्न गाउँका मानिसहरू मंसिरअन्तिम सातादेखि बाहिरीसकेका छन् ।
पश्चिमी वायुका कारण देशभरको मौसम प्रभावित
२१ पुष २०७५, शनिबार १५:१८
