सदरलाइनडटकम,
नवलपरासी : बर्दियाबाट काठमाण्डौका लागि छुटेको बस शनिवार बिहान नवलपरासीमा दुर्घटना हुँदा ११ जना घाईते भएका छन् । पूर्व–पश्चिम राजमार्गअन्तर्गत नवलपरासीको मध्यविन्दु नगरपालिका वडा नम्बर ११ को अरुणखोलमा बिहान बस दुर्घटना हुँदा उनीहरु घाइते भएका हुन् ।
ना ६ ख ८४३९ नम्बरको बस सडक छेउमा रोकिराखेको ना ६ ख ५९२ नम्बरको ट्रकमा ठोक्किँदा दुर्घटनामा भएको प्रहरीले बताएको छ । दुर्घटनामा घाइते भएका सबै जनाको नयाँ मेडिकल कलेज भरतपुरमा उपचार भईरहेको जिल्ला प्रहरी कार्यालय नवलपरासी पूर्वले जनाएको छ । घाइते सबैको अवस्था सामान्य रहेको छ ।
![](https://sadarline.com/wp-content/uploads/2022/07/3.jpg)