सदरलाइनडटकम,
काठमाण्डौ : प्रधानमन्त्री केपी शर्मा ओली बिहीवार अपरान्ह स्वदेश फर्किएका छन् । अन्तर्राष्ट्रीय विमानस्थलमा प्रधानमन्त्री ओलीलाई सभामुख कृष्णबहादुर महराले स्वागत गरेका थिए ।
प्रधानमन्त्रीलाई स्वागत गर्न राष्ट्रियसभा अध्यक्ष गणेश तिमिल्सिना, कार्यवाहक प्रधानमन्त्री इश्वर पोखरेल, गृहमन्त्री रामबहादुर थापा, मन्त्रीहरू मातृका यादव, रवीन्द्र अधिकारी, थममाया थापा लगायत विमानस्थल पुगेका थिए ।
त्यसैगरी प्रदेश ३ की प्रमुख अनुराधा कोइराला, संघीय संसदका सांसदहरू, सुरक्षा निकायका प्रमुखहरू, सत्तारुढ दल नेकपाका नेताहरू पनि विमानस्थल पुगेका थिए । संयुुक्त राष्ट्रसंघको ७३ औँ महासभामा सहभागी असोज ६ गते अमेरिका गएका प्रधानमन्त्री ओली स्वदेश फर्किएका हुन् ।
प्रधानमन्त्री ओली स्वदेश फर्किए
१८ आश्विन २०७५, बिहीबार १७:२७
