सदरलाइनडटकम,
नेपालगञ्ज : कञ्चनपुरकी निर्मला पन्तलाई बलात्कार पछि हत्या गरिएको घटनामा संलग्न अपराधीलाई पक्राउ गरि कानूनी कठघरामा उभ्याउन माग गर्दै शनिवार बाँकेमा प्रदर्शन गरिएको छ ।
हत्या गरिएको डेढ महिना बित्दासमेत अपराधीलाई कानुनको दायरामा ल्याउन नसकिएको र यस अवधिमा देशैभर घटेका यौन हिँसाका घटनाबिरुद्ध नेपालगञ्ज र कोहलपुरमा प्रदर्शन गरिएको हो ।
बिपी चौकमा गरिएको प्रदर्शनमा प्लेकार्डसहित आँखामा पट्टि बाँधेर बिरोध गरिएको थियो । यस्तै कोहलपुरमा महिलाहरुले निधारमा कालो पट्टी बाँधेर प्रदर्शन गरेका थिए । कञ्चनपुरकी १३ बर्षिया बालिका निर्मला पन्तको एक महिना अघि बलात्कार पछि हत्या भएको थियो ।
