सदरलाइनडटकम,
काठमाण्डौ : कञ्चनपुरकी निर्मला पन्तको हत्यामा संलग्न अपराधी चाँडै पत्ता लाग्ने गृहमन्त्री रामबहादुर थापाले दाबी गरेका छन् । पन्त हत्याबारे शुक्रवार राष्ट्रियसभाका सदस्यलाई जवाफ दिँदै उनले यस्तो दाबी गरेका हुन् ।
दोषीमाथि कडा कारवाही गर्न सरकार प्रतिबद्ध रहेको स्पष्ट पार्दै गृहमन्त्री थापाले अपराधी जोसुकै भएपनि उम्किन नपाउने जिकिर गरे । कञ्चनपुरकी १३ बर्षीया बालिका पन्तको बलात्कारपछि हत्या गरिएको थियो । पन्त घटनाका विषयमा सरकारले उच्चस्तरीय छानबिन टोली गठन गरेपनि अझैसम्म हत्यारा पत्ता लाग्न सकेको छैन ।
गृहमन्त्री थापाले जनआन्दोलनका घाइते, पत्रकार राजु बस्नेतलाई पक्राउ गर्नुपर्ने कारण, जिल्ला प्रहरी कार्यालय बर्दियामा मृत्यु भएका राममनोहर यादवको मृत्यु र रोल्पा घटनाका विषयमा राष्ट्रियसभाका सदस्यलाई जानकारी दिएका थिए ।
पन्तको हत्यारा चाँडै पत्ता लाग्ने गृहमन्त्रीको दाबी
२९ भाद्र २०७५, शुक्रबार १६:३९
