सदरलाइनडटकम,
सल्यान : सल्यानमा घर भत्किँदा घरका पाँच सदस्यको मृत्यु भएको छ भने एकजना घाइते भएका छन् । वागचौर नगरपालिका ४ सिमाखोली सेतीेगुराँस गाउँमा घरको देवाल भत्किँदा एकै घरका पाँच जनाको मृत्यु भएको हो ।
अविरल वर्षाका कारण मंगलवार राती देवाल भत्किँदा ४० वर्षीय रामसिंह कामी, ३५ वर्षीया रामकला, सात वर्षीया गंगा, ६ वर्षीया प्रमिला र चार वर्षीय छोरा रूपलालको मुत्यु भएको जिल्ला प्रहरी कार्यालय सल्यानले जनाएको छ ।
घटनामा ११ वर्षीया सुनिता विक घाइते भएकी छन् । घाइते विकको जिल्ला अस्पतालमा उपचार भईरहेको सल्यानका प्रहरी नायब उपरीक्षक वीरेन्द्रबहादुर शाहले बताए ।
वर्षातले घर भत्किँदा सल्यानमा पाँचको मुत्यु, एक घाइते
१३ भाद्र २०७५, बुधबार १६:३७
