सदरलाइनडटकम
नेपालगन्ज : नेपालगन्ज–कोहलपुर सडकखण्डमा आईतबार साँझ सवा ५ बजे भएको सडक दुर्घटनामा परेर एक जनाको मृत्यु हुनुको साथै एक घाइते भएका छन् ।
जिल्ला ट्राफिक कार्यालय बाँकेका ईन्चार्ज तथा प्रहरी निरिक्षक हिरेन्द्र रोकायले दिएको जानकारी अनुसार कोहलपुर नगरपालिका–१४ हवलदारपुर नजिकै नेपालगन्जबाट कोहलपुर जाँदै गरेको भे ४ प ५५५३ नं.को मोटरसाईकलको ठक्करबाट पैदल यात्री सोही ठाँउका ७४ वर्षिय हरिबहादुर डाँगीको मृत्यु भएको हो ।
सो दुर्घटनामा परि गम्भीर घाइते डाँगीको नेपालगन्ज मेडिकल कलेज शिक्षण अस्पताल कोहलपुरमा उपचारको क्रममा मृत्यु भएको प्रहरीले जनाएको छ ।
मोटरसाईकल चालकसमेत रहेका बर्दिया बाँसगढी–७ का ४२ वर्षिय बिष्णुप्रसाद पाण्डेको कोहपुर मै उपचार भएको र उनी खतरामुक्त रहेको प्रहरीले जनाएको छ । मोटरसाइकल र चालक पाण्डेलाई प्रहरीले नियन्त्रणमा लिएर अनुसंधान सुरु गरेको जनाएको छ ।
सडक दुर्घटनामा एकको मृत्यु एक घाइते
३ भाद्र २०७५, आईतवार १९:२२
