नेपालगञ्ज : बाँकेको डुडुवा नदीमा डुवेर एकजना बेपत्ता भएका छन् । जिल्ला प्रहरी कार्यालय बाँकेले दिएको जानकारी अनुसार उनी पौडी खेल्ने क्रममा डुवेर बेपत्ता भएका हुन ।
आईतबार साँझ करिव साढे ५ बजेतिर नेपालगञ्ज–२० राँझा विमानस्थल पछाडि रहेको डुडुवा नदीमा पौडी खेल्ने क्रममा सोही ठाँउका ४२ वर्षिय सुशीलप्रसाद दाहाल डुवेर बेपत्ता भएको जिल्ला प्रहरी कार्यालय बाँकेका प्रहरी उपरिक्षक तुलबहादुर कार्कीले जानकारी दिए ।
उनी डुडुवामा डुवेर वेपत्ता भएको खबर प्राप्त हुने वित्तिकै सशस्त्र प्रहरी बल, नेपाल आयल निगम सुरक्षा बेश राँझाबाट सशस्त्र प्रहरी निरिक्षक नवराज शाहीको कमाण्डमा ७ जनाको टोली खटिगई नेपाल प्रहरी र स्थानीय बासिन्दाहरुको सहयोगमा खोजिकार्य भई रहेको सशस्त्र प्रहरी वल ३० नं. गणका गणपति तथा सशस्त्र प्रहरी उपरिक्षक विमल डाँगीले जानकारी दिए ।
घटनास्थलमा सशस्त्र प्रहरीको टिमले मोटरबोटको सहयोगमा उद्दार र खोजीकार्यमा जुटेको छ ।
