सदरलाइनडटकम 
नेपालगन्ज : नवोदित गायीका अनिशा चौधरीको दुई दिने चोला बोलको पहिलो तीजको गीत शनिबार सार्वजनिक गरिएको छ । नेपालगन्जमा पत्रकार सम्मेलन गरी करीब ९ मीनेटको सो तीज गीतको अडियो, भिडियो सार्वजनिक गरीएको हो । गीतमा लय, शव्द र स्वर स्वयम् चौधरी कै हो ।
भिडियोमा करीस्मा ढकाल लगायतका कलाकारहरुको नृत्य देख्न सकिने सो गीत करीव १ लाखको लागतमा गीतको अडियो, भिडियो निर्माण गरीएको चौधरीले जानकारी दिईन ।
दाङ निवासी चौधरीले एसएलसी पास गर्न नसकेपछि घरपरीवारले उनलाई विवाह गर्न दवाब दिएको तर, उनको गायिका वन्ने इच्छा भएकाले घरवाट भागेर संगीत सिक्न २०७१ सालमा नेपालगन्जमा आएको उनको भनाई छ ।
नेपालगन्जको होटेल प्रभातमा काम गर्दै दुई ‘दिने चोला…’ बोलको गीतमार्फत सांगीतिक क्षेत्रमा पहिलो पाइला राखेकी हुन । स्वर्गीय वुवाको सपना गायक वन्ने भएकाले वुवाको सपनालाई आफुले पुरा गरीदिएको वताउदै उनले आगामी दिनमा गीत सृजना गर्ने र गायनलाई निरन्तरता दिने योजना सुनाईन ।
गीत वजारमा आएपछि अहिले घरपरीवार, आफन्तजन र साथिहरुको सहयोग पाइरहेको उनको भनाई छ । युट्युवमा पनि राखीएको यो गीतलाई आज शनिवारसम्म ४३ हजार वढिले हेरीसकेका छन् ।
