सदरलाइनडटकम ,
नेपालगन्ज : बाल मनोविज्ञानमा अधारित नेपाली कथानक चलचित्र ‘मेरी मामु’ को आगामी भदौ १५ देखि देशैभर एकसाथ रिलिज हुने भएको छ ।
सो चलचित्रकी नायिका अस्लेशा ठकुरीले बालबालिकामा हुने बाल मनोविज्ञानका साथै मनोरञ्जनात्मक सन्देस दिने चलचित्र पूर्णरुपले पारिवारीक चलचित्र भएको जानकारी दिईन ।
‘बालबालिका र अभिभावकबीचको सम्बन्ध तथा अभिभावक नभएका बालबालिकाको स्वभावलाई चित्रण गरी फिल्मको कथा सुरु गरिएको छ । यहाँहरुले माया गरिदिनु हुने आशामा छु’– उनले भनिन् ।
प्रेम गीत–२ को सफलतापछि उनले मेरी मामुमा पनि आफ्नो अभिनयलाई सबैले मन पराई दिने अपेक्षा लिएको बताईन ।
उनले चलचित्रमा बालकको मुख्य रोल भएको जानकारी दिदै आफु आमा र साथीको रोलमा देखिएको बताउदै चलचित्र पूर्ण परिवार परिवारबीचको सम्बन्धमा आधारित भएर निर्माण भएको दाबी गरिन ।
सो चलचित्रका नायक सारुक ताम्राकारले चलचित्रले खास गरी बालबालिकालाई सन्देश दिने भएकोले आफुहरु चलचित्रको प्रमोशनको लागि विभिन्न विद्यालयमा गएर सो को बारेमा जानकारी गराउने गरेको बताए ।
आशुसेन फिल्मसको व्यानरमा निर्मित चौथो फिल्मको रुपमा रहेको मेरी मामुले समाजमा रहेको तर, कसैले ध्यान दिन नसकेको विषयबस्तुलाई आधार बनाएर मेरीमामु चलचित्र निर्माण गरेको दाबी गरेको छ ।
प्रेमगीत, चंखे पंखे शंखे, प्रेम गीत–२ पछि चौथो फिल्मको रुपमा याम थापाको निर्देशनमा बनेको मेरीमामु तीनवटा गीत रहेको र फिल्म २ घण्टा १७ मिनेटको रहेको छ ।
मेरी मामु भदौ १५ देखि रिलिज हुँदै
२१ श्रावण २०७५, सोमबार २०:१६
