सदरलाइनडटकम
५ असार नेपालगन्ज : नेपालगन्ज उपमहानगरपालिका वडा न १० मा वडास्तरिय बाल भेलाले आगामी वर्षका लागि बालमैत्री योजना छनौट गरेको छ ।बालबालिकाको क्षेत्रमा लगानी गरौं, बालमैत्री स्थानीय तह निर्माण गरौं, भन्ने नारालाई सार्थक बनाउन आर्थिक वर्ष ०७५÷०७६ का लागि बालमैत्री योजना निर्माण गर्न वडास्तरका बालबालिका जुटेका हुन् ।
आठ वर्षदेखि माथिका बालबालिकालाई ३ वटा समूहमा विभाजित गरेर बालबालिकाको समग्र सवाल पहिचान, आवश्यक्ता र मागलाई समेटीएको छ । वडास्तरिय बालक्लव सञ्जाल अध्यक्ष ऋतिक शाहीको अध्यक्षतामा ३० जना सहभागि भेलाले विशेषत बालमैत्री स्थानीय तह निर्माणका लागि बाल योजना प्राथमीकरण गरि वडा भेलामा पठाउने तयारी गरेको छ ।
वडा अध्यक्ष विन्दुभुषण बस्नेत, वडा सदस्यहरु बसन्ता जोशी, राजपति वसखोर, मनोज शाही, नगर बालक्लव सञ्जालका अध्यक्ष अञ्जना चतुर्वेदी र देवा खत्रीको समेत उपस्तिी रहेको भेलाले बालश्रम, बाल विवाह न्यूनीकरण, बाल उद्यान, विद्यार्थी भर्ना, बाल कोष स्थापना लगायतका विषयलाई उठान गरेको छ ।
भेलालाई सेभ द चिल्डेनका विरेन्द्र थापा र सामाजिक परिचालिका रजनी खनालले सहजीरकण गरेका थिए । 
नेपालगन्जको वडानं. १० मा बालमैत्री योजना छनौट
५ असार २०७५, मंगलवार २१:३५
