सदरलाइनडटकम 
३ चैत, नेपालगन्ज : गतवर्ष ‘ब्रेन हम्ब्रेज’ कारण दिवंगत भएका प्राविधिक पत्रकार स्वर्गीय दिपेन्द्र शाहको सम्झनामा शुक्रवार नेपालगन्जमा फलफुल वितरण गरीएको छ ।
प्राविधिक पत्रकार संघ नेपाल बाँकेले स्वर्गीय शाहको सम्झनामा नेपालगन्जको भेरी अन्चल अस्पतालका विरामीहरुलाई फलफुल वितरण गरेको संघका अध्यक्ष नरेन्द्र सिँहले जानकारी दिए ।
नेपालगन्ज एफएममा कार्यरत स्वर्गीय शाहको ०७३ चैत २ गते निधन भएका शाहको सम्झनामा प्राबिधिक पत्रकारहरुको सो कार्यक्रम गरेका हुन । संघका अध्यक्ष सिंहले स्वर्गीय शाहका बुवाआमाको हातवाट एक सय ५ जना विरामीलाई फलफुल वितरण गरीएको बताए ।
फलफुल वितरण कार्यक्रममा भेरी अस्पतालका निमित्त सुपरिटेन्डेन डा. बद्री चापागाँई, प्राविधिक पत्रकार संघका उपाध्यक्ष सुप्रिया शर्मा, कोषाध्यक्ष प्रेरणा खड्का, सदस्य अजमत अली, विवेक रेग्मी, गणेश विष्ट लगायत संघका साधारण सदस्य गरी दर्जन वढिको सहभागीता रहेको थियो ।
