सदरलाइनडटकम,
झापा : ठूलो परिमाणको प्रतिबन्धित औषधिसहित झापामा चार जना पक्राउ परेका छन् । जिल्ला प्रहरी कार्यालय झापा र अस्थायी प्रहरी चौकी कुटीबाट खटिएका प्रहरी टोलीले २२ लाख बढी मूल्य बराबरको यौनवर्धक औषधि तथा विभिन्न ब्राण्डका आयुर्वेदिक र एलोपेथिक औषधिसहित बाह्रदशी गाउँपालिका ४ बस्ने २४ बर्षीय सम्दान हुसेन, सोही ठाउँका २२ वर्षीय इतियाज आलम, २८ बर्षीय ताहिर आलम र भारत जंगपुरी दिल्ली घर भई हाल काठमाडौं जोरपाटी बस्ने ३२ वर्षीय फुन्चोक लामालाई पक्राउ गरेको हो ।
भारतको किशनगञ्ज जिल्लास्थित डिगलबैंक र धनतोला हुँदै झापाको कचनकवल र बाह्रदशी नाकाबाट नेपाल भित्रइएको १४ कार्टुन अर्थात नेपाली बजार मूल्य करिब २२ लाख बढीको औषधि बरामद गरिएको प्रहरी कार्यालय झापाका प्रहरी उपरीक्षक दिनेश मैनालीले जानकारी दिए ।
![](https://sadarline.com/wp-content/uploads/2022/07/3.jpg)