सदरलाइनडटकम
५ मंसिर, नेपालगन्ज : नेपालगन्जको व्यस्त सडक धम्बोझी–पुष्पलाल चोक नजिकै होटल पाहुना घर अगाडिको सुर्खेतरोडमा चल्दा चल्दैको मोटरसाईकलमा एक्कासी आगो लागेको छ ।
भे ५ प ९५०३ नं. को पल्सर मोटरसाईकलमा एक्कासी आगलागी भएको थियो । मोटरसाईकल गतिमा नभएको कारण मोटरसाईकल चालक भने जोगिएका छन् ।
चल्दा चल्दैको मोटरसाईकलमा एक्कासी आगलागी भएपछि व्यस्त सडकमा आवागमनमा रहेका मानिसहरुको भिड लागेको थियो । नजिकैको राष्ट्रिय बाणिज्य बैंकमा राखिएको फायर डिस्टिङ्गुसरको मद्दले आगो नियन्त्रणमा लिएको थियो ।
सो घटनामा मानविय क्षति नभएपनि मोटरसाईकल भने जलेर पूर्ण नष्ट भएको छ । गुडिरहेको अवस्थामा मोटरसाईकलमा ईलेक्ट्रिक सर्ट भएर आगो लागेको हुनसक्ने आशंका गरिएको छ ।
