सदरलाइनडटकम
२५ कात्तिक, नेपालगन्ज : सघिय समाजवादी फोरम नेपालका केन्द्रीय सदस्य तथा पूर्वमन्त्री मो.इतियाक राईले बामगठबन्धनले देशलाई दुर्घटनामा लैजाने बताएका छन् । आगामी मंसिर २१ गते हुने प्रतिनिधि सभा तथा प्रदेश सभाको लागि चुनाबी प्रचारको अभियानलाई तीब्रता दिदै पूर्वमन्त्री राईले सो कुरा बताएका हुन ।
प्रतिनिधि सभा क्षेत्र नम्वर २ बाट उम्मेदवार भएका राईले आफ्नो उम्मेदवारीको मुख्य उदेश्य भनेको यस क्षेत्रका केहि महत्वपूर्ण आयोजना र मुद्दाहरूलाई लागु गराउन भएको बताएका छन् । उनले प्रदेश नं ५ को राजधानी नेपालगन्जमा, नेपालगन्ज विश्वविद्यालय, नेपालगन्ज अन्तर्राष्ट्रय विमानस्थल, नेपालगन्ज चक्रपथ, हुलाकी सडक र राप्तीमा पुल निर्माण गर्न रहेको बताएका छन् ।
यसैगरी नेपालगन्जमा रहेको भेरी अन्चल अस्पताललाई सरकारी मेडिकल कालेज, निर्वाचन क्षेत्र नं २ भित्र विद्युत लोडसेडिङको अन्त्य, स्वास्थ्य, शिक्षा, खेलकुद, पर्यटन लगाएतका क्षेत्रहरुमा विशेष जोड दिने राईले बताए ।
चुनावी अभियान अन्तरगत शनिबार नेपालगन्ज उप–महानगरपालिका वाड नम्वर ६, १०, १३ भेटघाट गनुका साथै डुडुवा गाँउपालिकाको वाड नम्बर ५ मा सम्पर्क कार्यालय उदघाटन, नेपालगन्ज उप–महानगरलगायत डुडवाका प्रमुख बाटोहरुको स्तरउन्नती गर्ने र बांकी अन्य बाटोहरूमा गरेभल गर्ने, बाढी पीडितलाई स्थायी बसोवासको ब्यवस्था गर्ने बताए । वेरोजगार युवालाई रोजगारको व्यवस्था, अनुदान, सिचाईको समुचित व्यवस्था, मिलाउने लगायतका रहेका छन् ।
