सदरलाइनडटकम
२७ बैशाख, नेपालगन्ज : चट्याङ्ग लागेर बाँकेमा एक महिलाको मृत्यु भएको छ । जिल्ला प्रहरी कार्यालय बाँकेका प्रहरी निरीक्षक विरबहादुर थापाले दिएको जानकारी अनुसार बुधबार बिहान साढे ६ बजे नेपालगन्ज–२० नयाँबस्तीमा परेको चट्याङ्गबाट ३० बर्षिया कौशिला रावतको मृत्यु भएको हो ।
घरको छतमा कपडा सुकाउन जाँदा मृतक रावत चट्याङ्गको चपेटामा परेर गम्भीर घाइते अवस्थामा उपचारको लागि अस्पताल लैजाँदै गर्दा उनको बाटो मै मृत्यु भएको प्रहरी निरिक्षक थापाले बताए ।
