सदरलाइनडटकम 
१ चैत, नेपालगन्ज : गुलरिया नेपालगन्ज सडकखण्डको सोनपुर गोनानामा मधेशी मोर्चाका कार्यकर्ता र प्रहरीवीच झडप हुँदा तनाव बढेपछि प्रहरीले हवाइ फायर र अश्रुग्यास प्रहार गरेको छ । प्रहरीसँगको झडपमा दुई जना मोर्चा कार्यकर्ता घाइते भएको थर्ड एलाइन्सका आलम खानले जानकारी दिए । मधेसी मोर्चाका कार्यकर्ताले प्रहरीको हतियार खोस्न खोजेपछि दुई राउण्ड हवाई फायर गर्नुपरेको जिल्ला प्रशासन कार्यालय बाँकेले जनाएको छ ।
मधेसी मोर्चाका नेता इस्तियाक राईले भने आफ्ना कार्यकर्ताले प्रहरीको हतियार नखोसेको बताएका छन् । नेपालगन्जमा आयोजित कार्यक्रममा सहभागी हुन आउनेहरुलाई रोक्ने मात्रै आफूहरुको लक्ष्य रहेको मोर्चाका नेताको दाबी छ ।
सो सडक खण्डमा मोर्चाका कार्यकर्ताले आमसभामा भाग लिन हिँडेका एमाले समर्थकलाई बाटो अवरुद्ध पारेपछि तनाव उत्पन्न भएको हो ।
