नेपालगञ्ज : बाँके प्रहरीले स्रोत नखुलेको करिव ४ लाख भारतीय रुपैयासहित एकजनालाई नेपालगञ्ज–४ बाट नियन्त्रणमा लिएर अनुसन्धान सुरु गरेको छ ।
जिल्ला प्रहरी कार्यालय बाँकेका प्रमुख तथा प्रहरी उपरिक्षक तुलबहादुर कार्कीले सुराकीले दिएको सूचनाको आधारमा धिरेन्द्र सिंजापतिले सञ्चालन गरेको किराना पसलमा खानतलासी गर्दा ३ लाख८८ हजार दुई सय भारतीय रुपैयाँ बरामद भएको जानकारी दिए ।
प्रहरीले सिजापतिको किराना पसलबाट ५ सय दरका ६ सय ५० र २ सय दरका ३ सय १६ वटा नोट गरी जम्मा भारतिय रुपैया ३ लाख ८८ हजार २ सय बरामद गरी निज सिजापति सहित आवस्यक कारवाहीको लागि राजस्व अनुसन्धान कार्यालय कोहलपुर बाँकेमा पठाएको छ ।
