नेपालगञ्ज : प्रतिबन्धित लागुऔषध चरेशसहित एक नेपाली महिला भारतीय सीमावर्ती बजार रुपाईडिहामा पक्राउ परेकी छन् । भारतीय प्रहरीले ती महिलाका साथबाट आधाकिलो चरेश बरामद गरेको जनाएको छ ।
रुपईडिहा थाना ईञ्चार्ज शम्शेर बहादुर सिँह र एसएसबी ४२औं बाहिनीका उप कमाण्डेन्ट रमनलालको संयुक्त टोलीले खानतलाशी गर्दा ५ सय ग्राम चरेशसहित रोल्पा मिरुल वडानं. ४ बस्ने सीताकुमारी बुढालाई नियन्त्रणमा लिएको हो ।
बुढाका साथबाट बरामद गरिएको गरिएको चरेशको अन्तर्राष्ट्रिय मूल्य १५ लाख रहेको एसएसबी ४२औं वाहिनीका कमाण्डेन्ट गंगा सिँह उदावतले दाबी गरे ।
भारतीय प्रहरीको नियन्त्रणमा रहेकी बुढा र बरामद चरेश माथि आवश्यक कारवाहीको लागि भारतीय अदालत बहराइच पठाइएको त्यहाँबाट सहकर्मी सन्तोष शुक्लाले जनाएका छन् ।
