काठमाडौँ : राष्ट्रिय स्वतन्त्र पार्टी (रास्वपा)ले पार्टी महामन्त्री मुकुल ढकाललाई अनुशासनको कारवाही गर्दै पद मुक्त गरेको छ । पार्टी केन्द्रीय समितिको आजको बैठकले पार्टी अनुशासन समितिको सिफारिसमा उनलाई पार्टी केन्द्रीय सदस्य, प्रवक्ता र महामन्त्री पद मुक्त गरेको हो ।
उनलाई सर्वसम्मतिबाट पदमुक्त गरिएको कार्यवाहक प्रवक्ता मनिष झाले जानकारी दिए । कारवाहीसंगै उनी अव पार्टीको साधारण सदस्य मात्र रहने छन् ।
पार्टी अध्यक्ष एवं उपप्रधानमन्त्री रवि लामिछानेको अध्यक्षतामा बसेको बैठकले ढकाललाई केन्द्रीय समितिको निर्णयप्रति असहमत भएमा पुनरावेदन गर्नसक्ने निर्णय गरेको छ ।
रास्वपाले पुनरावलोकन समिति सहमहामन्त्री विपीन आचार्यको संयोजकत्वमा गठन गरेको छ ।
पार्टीभित्र बोले कै कारण महामन्त्री कारबाहीमा पर्ने कुरालाई स्वाभाविक रुपले लिन सकिन्छ र भन्ने प्रश्नको जवाफमा प्रवक्ता झाले भने ‘उहाँले राजनीतिक व्यवहार नदेखाएका कारण कारबाही गरिएको हो ।’
