नेपालगञ्ज : बाक्लो हुस्सुका कारण बाँकेस्थित नेपालगञ्ज विमानस्थल दुई दिनपछि खुलेको छ । शनिवार बिहानदेखि नेपालगञ्जमा लागेको बाक्लो हुस्सु र कुहिरोले गर्दा बन्द रहेको नेपालगञ्ज विमानस्थलमा हुस्सु र कुहिरो हटेपछि उडान सुचारु भएको हो ।
नेपालगञ्जबाट उडान हुने हिमाली जिल्ला सहित काठमाडौं र पोखराका सबै उडान शनिवार बिहानदेखि प्रभावित बनेको नेपालगञ्ज विमानस्थल कार्यालयले जनाएको छ । अहिले नेपालगञ्ज विमानस्थलमा जहाज उड्न र ल्याण्ड गर्न सक्ने भिजिबिलिटी भएको विमानस्थलले जनाएको छ ।
खराब मौसमका कारण विमानस्थलमा बसिरहेका यात्रुहरुले विमानस्थल खुलेपछि राहत महशुस गरेका छन् ।
