नेपालगञ्ज : जबरजस्ती करणीका फरार प्रतिवादीलाई बाँके प्रहरीले पक्राउ गरेको छ । २०७७ साल माघ १० गते बर्दियाको राजापुर १५ घर भई बाँके नेपालगञ्ज उपमहानगरपालिका वडा नं.६ स्थित डेरामा बस्दै आएकी ४५ वर्षीया महिलालाई जबरजस्ती करणी गरेको आरोपमा ३९ वर्षीय जन्जिर थारुलाई पक्राउ गरिएको हो ।
राप्तीसोनारी गाउाँपालिका वडा नं.५ बस्ने थारुलाई घरबाटै पक्राउ गरिएको बाँके प्रहरीले जनाएको छ । थारुलाई आवश्यक कारबाहीका लागि आइतवार जिल्ला अदालत बाँकेमा बुझाईएको डीएसपी नारायण डाँगीले जानकारी दिए ।
