नेपालगञ्ज : बर्दियाको ठाकुरबाबामा विभिन्न व्यवसाय संचालन गरिरहेका युवा महिलाहरुका लागि तीन दिने व्यवसायिक साक्षरता तथा लेखा व्यवस्थापन तालिम ठाकुरबाबा नगरपालिकामा शुरु भएको छ ।
सो तालिम प्लान नेपालको सहयोगमा बाँके युनेस्को क्लबद्धारा सञ्चालन गरिएको पर्ल परियोजनाद्धारा आयोजना गरिएको हो ।
उक्त तालिमको मुख्य उद्देश्य युवा महिलाहरुको व्यवसायिक ज्ञानमा अभिवृद्धि, व्यवसायको निरन्तरता, वचत गर्ने बानिको विकास तथा व्यवसायमा भएको कारोबारहरुको खाता सञ्चालन तथा लेखापालान गर्न सक्षम बनाउनु रहेको जनाईएको छ ।
सोही पकारले व्यवसायको व्यवसायिक योजनाको पुनराओलकन, स्थानीय सरकारबाट सुविधा र कार्यक्रममा सरभागीताकालागि सक्षम बनाई दिर्घकालिन रुपमा व्यवसायको विकास विस्तार गरी दैनिक जिबिकोपार्जनमा सहजता ल्याउनु तालिमको उद्देश्य रहेको बाँके युनेस्को क्लबका परियोजना संयोजक गोबिन्द प्रसाद लामिछानेले जानकारी दिए ।
उनले सो तालिमको सहजकर्ता राजबहादुर चौधरी रहको बताए । सोही प्रकारको तालिम केही दिन पहिले बर्दियाको गुलरियामा पनि आयोजना गरिएको थियो ।
