नेपालगञ्ज : नेपालगञ्जको बिपी चोक नजिकै आगलागी हुँदा ७ बढी पसल जलेर नष्ट भएको छ ।
नेपालगञ्जको बिपी चोक सुर्खेत रोड आर्या ट्रेडर्स फर्निचर पसलबाट बिहान करिव ४ः४५ बजेतिरबाट आगलागी शुरु भएको बताइएको छ । बागेश्वरी मन्दिर जाने बाटोमा रहेको उक्त पसलबाट सल्केको आगोले ७ वटा पसल जलेर नष्ट भएको छ ।
आगलागी नियन्त्रणका लागि नेपालगञ्ज उपमहानगरपालिकाको दुई वटा दमकल र कोहलपुरबाट आएको दमकलले आँसिक निमन्त्रणमा लिएको छ ।
आगलागी भएको टोलमा लस्करै करिब १४,१५ वटा फर्निचरको पसल रहेकोले एकपछि अर्को पसलमा आगो सल्किदै गएका कारण नियन्त्रणमा समय लागेको बाँके प्रहरी प्रवक्ता नारायण डाँगीले बताए । ‘एउटा पसलमा आँशिक क्षति भएको छ, बाँकी सबै पसल जलेर नष्ट भएको छ ।’
