बारा : बारामा तीर्थयात्री बोकेको बस दुर्घटनामा मृत्यु भएका ७ जनाको सनाखत भएको छ । आज बिहान १ बजे काठमाडौंबाट महोत्तरीको लोहारपट्टी जाँदै गरेको मधेश प्रदेश–०३–००१ ख ७९९४ नम्बरको तीर्थयात्री बोकेको बस जीतपुरसिमरा उपमहानगरपालिका– २२ चुरियामाईमा दुर्घटना हुँदा ७ जनाको मृत्यु भएको थियो ।
प्रहरीका अनुसार दुर्घटनामा मृत्यु हुनेहरुमा हुने ६ जना भारतीय नगरिकहरूमा राजस्थानका ६७ वर्षीय बहादुर सिंह, ७० वर्षीय राजेन्द्र चतुरबेदी, ६५ वर्षीया श्रीकान्त चतुरबेदी, ६७ वर्षीया बैजन्ती देवी, ६५ वर्षीया मिरा देबी, ६० वर्षीया सत्यवती र एक जना नेपाली महोत्तरीको लोहारपटी–५ का ४१ वर्षीय विजयलाल पण्डित रहेका छन् ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
प्रहरीका अनुसार बस चुरियामाई मन्दिरबाट करिव १०० मिटर दक्षिणतर्फको खोलामा खसेको हो । बस दुर्घटनामा १९ जना घाइते भएका छन् ।
उनीहरूको हेटौंडाको चुरेहिल अस्पताल र हेटौंडा अस्पतालमा उपचार भइरहेको बारा प्रहरीले जानकारी दिएको छ । बस चालक भने दुर्घटनापछि फरार भएका छन् ।