नेपालगञ्ज : नेपालगञ्जस्थित बागेश्वरी मन्दिरभित्र रहेको जुँगे महादेवको मन्दिर जाने पुलको पुनःनिर्माण हुने भएको छ ।
नेपालगञ्ज वडा नं. स्थित बागेश्वरी मन्दिरभित्र रहेको जुँगे महादेवको मन्दिर जाने पुलको पुनःनिर्माणका लागि नेपालगञ्ज उपमहानगरपालिकाले दुई करोड बजेट विनियोजन गरेर बोलपत्र आह्वान गरी काम शुरु भएको जनाएको छ ।
जुँगे महादेवको मन्दिर बागेश्वरी तलाउमाथि अवस्थित रहेको छ । मन्दिर पुनःनिर्माणका लागि तालको पानी सुकाएर मन्दिर र मूर्ति यथावत् राखेर प्रवेशमार्ग र पूजा गर्ने क्षेत्र फराकिलो बनाउन लागिएको नेपालगञ्जका मेयर प्रशान्त बिष्टले बताए ।
एक वर्षभित्र उक्त पुलको निर्माण सम्पन्न हुने गरी काम शुरु गरिएको बिष्टले जानकारी दिएका छन् ।
