कोहलपुर (बाँके) : कोहलपुर नगरपालिकाको गौरवको आयोजना कोहलपुर भ्यू टावर निर्माण कार्य सम्पन्न हुने चरमा पुगेको छ । उक्त भ्यू टावर निर्माणका लागि कूल ५ करोड ८८ लाख रकम विनियोज गरिएको थियो ।
उक्त भ्यू टावर अब दुई हप्ता भित्र सम्पन्न गरिने एशोसिएट जय भवानी निर्माण कम्पनीका संचालन अर्जुन पनेरुले जानकारी गराएका छन् ।
कोहलपुर वडा नं.११ गोलपार्कमा उक्त भ्यू टावर निर्माण भइरहेको छ । भ्यू टावर निर्माण सम्पन्न पश्चात उक्त क्षेत्रमा आन्तरिक पर्यटन प्रवद्र्धनमा महत्वपूर्ण भूमिका खेल्ने विश्वासका साथ आयोजना अगाडी बढाइएको निर्वतमान कार्यपालिका सदस्य डिल बहादुर परियारले उल्लेख गरेका छन् । उक्त गौरवको आयोजना निवर्तमान नगर प्रमुख लुटबहादुर रावतको कार्यकालमा शुरुवात गरिएको हो ।
