दाङ : नेकपा एमाले निकट अखिल नेपाल राष्ट्रिय स्वतन्त्र विद्यार्थी यूनियन दाङको अध्यक्षमा गोविन्द बस्नेत निर्वाचित भएका छन् । यूनियनका २३ औं अधिवेशनले बस्नेतको ५१ सदस्यीय कमिटी चयन गरेको छ । उनी यसअघि सचिव थिए ।
सर्वसम्मत रुपमा चयन भएको कमिटीको उपाध्यक्षमा गणेश खड्का र वसन्तप्रसाद भण्डारी, सचिवमा लक्ष्मण गिरी, सह–सचिवमा राजन घर्ती, मन्जु देवकोटा र सुशन्धोज पौडेल चयन भएको अनेरास्ववियू दाङले जनाएको छ । कोषाध्यक्षमा कपिल बुढाथोकी चयन भएको नवनिर्वाचित अध्यक्ष बस्नेतले जानकारी दिए ।
