नेपालगञ्ज : नेपाल पत्रकार महासंघ बाँके शाखाको १३औं साधारणसभा शनिवार नेपालगञ्जमा सम्पन्न भएको छ ।
महासंघका केन्द्रीय अध्यक्ष विपुल पोख्रेलले साधारणसभाको उदघाटन गरेका थिए । उनले पानसमा बत्ती बालेर साधारणसभाको उदघाटन गर्नु भएको हो ।
महासंघ बाँकेका अध्यक्ष दामोदर भण्डारीको अध्यक्षतामा सम्पन्न साधारणसभाको उदघाटन सत्रमा विभिन्न विधामा कलम चलाउने सञ्चारकर्मीहरुलाई पुस्कारसहित सम्मान गरिएको थियो ।
यसैविच रेडियो बागेश्वरी एफएमका सहायक स्टेशन म्यानेजर तथा समाचार प्रमुख एवं सदरलाईन डटकमका सम्पादक यदुराज मिश्रलाई पुरस्कारसहित सम्मान प्रदान गरिएको थियो । कार्यक्रमका प्रमुख अतिथी एवं नेपाल पत्रकार महासंघका केन्द्रीय अध्यक्ष विपुल पोख्रेलले मिश्रलाई दोसल्ला ओढाई नगदसहित सम्मान पत्र प्रदान गरेका थिए ।
पत्रकार मिश्रलाई शिक्षा तथा सामाजिक कार्यमा पु¥याएको योगदानको उच्च कदर गर्दै राम आधार रामप्यारी पत्रकारिता पुरस्कार २०७९ बाट पुरस्कृत गरिएको हो ।
