नेपालगञ्ज : बर्दिया सदरमुकाम गुलरिया—८ जय बागेश्वरी टोलमा घरमा खेलिरहेको अवस्थामा चितुवाले आक्रमण गर्दा एक २० महिने बालक घाइते भएका छन् ।
सीमावर्ती भारतको कतरनिया वन्यजन्तु आरक्षबाट आएको चितुवाले उनलाई आक्रमण गरेको स्थानीयले बताएका छन् । डिभिजन वन कार्यालय बर्दियाका सूचना अधिकारी एवं सहायक वन अधिकृत द्रोण शर्माले भेरी गंगा नगरपालिका—१३ जाजरकोट घर भई माइत आएकी रेजिना वलीका छोरा विक्रम शाहीलाई चितुवाले आक्रमण गरेको बताए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
सोमवार साँझ साढे ७ बजे झम्टिन लाग्दा स्थानीयले हो–हल्ला गरेपछि चितुवा भागेको सूचना अधिकारी शर्माले बताए । चितुवाको आक्रमणमा सामान्य घाइते भएका शाहीको जिल्ला अस्पतालमा उपचार भइरहेको छ ।