नेपालगञ्ज : म्याग्दीको मालिका गाउँपालिका–२ रुम तामिङमा मंगलबार बिहान पहिरो जाँदा एउटा परिवारका सबै सदस्यको मृत्यु भएको छ । ३७ वर्षीय घामबहादुर बिक, उनकी श्रीमती ३२ वर्षीया राममाया बिकसँगै ८ वर्षीया छोरी रोजी, छोराहरु १३ वर्षका राजन र १५ वर्षका नविनको मृत्यु भएको हो ।
जिल्ला प्रहरी कार्यालय म्याग्दीका डिएसपी तिलक भारतीले दूई जनाको बिहानै र तीन जनाको शव दिउँसो भेटिएको बताए । बिहान करिब ५ बजे सुतिरहेको अवस्थामा पाखोबाट आएको पहिरोले घामबहादुरको घर पुरेको थियो ।
