दाङ : दाङमा नक्कली प्रहरी नायब निरीक्षक (सई) पक्राउ परेका छन् । पक्राऊ पर्नेमा, घोराही उपमहानगरपालिका–१३ का ३८ वर्षीय अर्जुन थापा मगर रहेका छन् ।
थापाले आफु सादा पोशाकका प्रहरीको सई भएको भन्दै होटेलहरूमा ठगी गर्दै हिँडेको भन्ने सूचनाको आधारमा प्रहरीले उनलाई पक्राउ गरेको जिल्ला प्रहरी कार्यालयका प्रहरी उपरीक्षक सुरेश काफ्लेले जानकारी दिए ।
उनका अनुसार थापाले होटल सञ्चालकहरूसँग अनुचित लाभ लिएर हिँडेका थिए । त्यसरी ठगी गरेको पाएपछि थापालाई पक्राउ गरेको काफ्लेले बताए । ‘हामीले उनलाई होटलबाटै नियन्त्रणमा लिएका हौं,’ उनले भने ‘ घटनाबारे थप अनुसन्धान जारी छ ।
