नेपालगञ्ज : कैलालीमा लागूऔषधसहित ४ जना पक्राउ परेका छन् । जिल्लाको धनगढी उपमहानगरपालिका र भजनी नगरपालिकाका छुट्टाछुट्टै स्थानबाट अवैध लागूऔषध खैरो हेरोइनसहित ४ जनालाई बुधबार प्रहरीले पक्राउ गरेको हो ।
जिल्ला प्रहरी कार्यालय कैलालीका अनुसार पक्राउ पर्नेहरुमा गौरीगंगा नगरपालिका–१ बस्ने २५ वर्षीय जिवन चौधरी, गोदावरी नगरपालिका–२ बस्ने १९ वर्षीय धर्म चन्दर तथा सोही ठाउँ बस्ने १७ वर्षीय किशोर र भजनी नगरपालिका–३ बस्ने २८ वर्षीय सुकमेन्द्र सिंह रहेका छन् ।
पक्राउ परेका चारै जनामाथि थप अनुसन्धान भइरहेको प्रहरीले जनाएको छ ।
