बैजनाथ (बाँके) : बाँकेको बैजनाथ गाउँपालिकामा नेकपा एमालेले टोल टोलमा घरदैलोसंगै मतदाता शिक्षालाई समेत तिब्रता दिएको छ ।
बैजनाथ गाउँपालिकामा अध्यक्षका उम्मेदवार घननाथ खनालले शनिबार बैजनाथ गाउँपालिका वडान २ का विभिन्न टोलहरुमा घरदैलोसंगै मतदाता शिक्षालाई प्रभावकारी रुपमा लैजान थलिएको बताए । उनले यसकार्यको लागि उम्मेदवार सहित वा स्थानीय टोलकमिटीले स्वस्फूर्त अभियान सञ्चालन गरेको बताए ।
बैजनाथमा मकैवारीटोल कल्लारामपुर रापुर त्यसै वडान ३ स्थित उत्तर लदौउरा जस्ता टोलहरुमा मतदाता शिक्षालाई प्रभावकारी बनाउन स्थानीय टोलकमिटी मतदाताको घरदैलोका खटिएको उनले बताए । उनीसँग वडा अध्यक्ष उम्मेदवार सदस्य उम्मेदवार पार्टीका जिम्मेवार व्यक्तिहरु समेत परिचालित भएका छन ।
त्यसैगरी आगामी बैशाख ३० को निर्वाचनमा आफ्नो पक्षमा मतदान गर्नको लागि आव्हान सहित नेकपा एमालेका २३ भातृृ संगठनहरु समेत मतदाता शिक्षामा खटिएको नेकपा एमाले पालिका अध्यक्ष ईन्द्र थापाले जानकारी दिए ।
