नेपालगञ्ज : बाँकेका कराते प्रशिक्षक दिपक गोसाईको निधन भएको छ । लामो समयदेखि कलेजो रोगबाट पीडित गोसाईको उपचारका क्रममा नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको उनका भाई प्रकाश गोसाईले जानकारी दिए ।
४७ वर्षीय गोसाई गएको भदौ महिनाबाट कलेजो समस्याले थप सिकिस्त बन्दै गएका थिए । करातेमा उनले नेपालबाट अन्तर्राष्ट्रियस्तरका प्रतियोगिताहरुमा प्रतिनिधित्व गर्दै आएका थिए । उनको सोमवार अन्त्येष्टि गरिएको छ ।
उनका श्रीमती र दुई छोरा छन् । कराते प्रशिक्षक गोसाईको निधनले बाँकेको खेल क्षेत्रमा अपुरणीय क्षति पुगेको खेलकर्मीहरुले बताएका छन् ।
