नेपालगञ्ज : बर्दियामा पाटे बाघको आक्रमणबाट बेपत्ता भएका पुरुषको शव भेटिएको छ । पाटे बाघले बेपत्ता बनाएको ४० वर्षका जनकबहादुर थारुको शव सोमवार राति साढे ११ बजे बर्दिया राष्ट्रिय निकुञ्ज नजिक गेरुवा गाउँपालिकाको गोर क्षेत्रमा फेला परेको हो ।
सोमवार दिउँसो गेरुवा गाउँपालिका–४ ढुकुनियामा नदी किनारमा भैँसीलाई पानी खुवाउन जाँदा पाटे बाघले आक्रमण गरी थारुलाई बेपत्ता पारेको थियो । थारुलाई बाघले लगेलगत्तै बर्दिया निकुञ्जका चार वटा हात्तीसहितको टोलीले खोजी गरेको थियो ।
