नेपालगञ्ज : यौनजन्य गतिविधिविरुद्ध बाँके प्रहरीले कडाइ गरेको छ । नेपालगञ्ज, कोहलपुर, राँझा, चप्परगौरी, गाभर होमस्टेलगायत क्षेत्रमा यौनजन्य गतिविधि बढेको पाइएपछि प्रहरीले निगरानी बढाएको हो ।
यहाँ साना तथा ठूला होटल तथा कटेजहरुमा यौनजन्य गतिविधि हुने गरेका प्रहरीलाई गुनासो आउने गरेका छ्न । त्यहीँ भएर बाँंके प्रहरीले निगरानी बढाएको बाँकेका डिएसपी मधुसुदन न्यौपानेले जानकारी दिए ।
यहाँसम्मकी पछिल्लो समया ग्रामीण क्षेत्रका नास्ता पसलमा पनि यौनजन्य गतिविधि हुन थालेका छ्न । त्यसैक्रम हवल्दारपुरस्थित कल्पना पन्थी नास्ता पसलमाबाट यौनजन्य गतिविधिमा संलग्न १० जनालाई पक्राउ गरिएको डिएसपी न्यौपानेले बताए ।
शुक्रबार राती ६ जना युवक र ४ जना युवतीलाई पक्राउ गरिएको हो । यौनजन्य गतिविधि भैरहेको भन्ने सूचनाका आधारमा जिल्ला प्रहरी कार्यालयबाट खटिएको टोलिले छापा मारेको थियो ।
सञ्चालक भने फरार भएको प्रहरीले जनाएको छ । प्रहरी नियन्त्रणमा रहेका उनिहरु पेशेवर यौनकर्मी हुन व होइनन् भन्ने बारेमा प्रहरीले अनुसन्धान गरिरहेको जनाएको छ ।
पछिल्लो समय भारतीय नागरिकहरु यौनप्यास मेटाउन नेपालगञ्ज आउने गरेको पाइएको छ ।
