नेपालगञ्ज : बर्दियामा चित्तलको मासुसहित ३ जना पक्राउ परेका छन् । पक्राउ पर्नेमा बाँसगढी नगरपालिका ३ का प्रेमबहादुर विष्ट, सोही ठाउँका भद्दु थारु र शिवप्रसाद थारु रहेका छन् ।
जंगलबाट चोरी शिकारी गरी उनीहरुले चित्तलको मासु बाँसगढी ३ गौरीचोकमा भागबण्डा लगाउन लागेका थिए । सोहि समयमा शनिवार विहान पौन ६ बजे ईलाका प्रहरी कार्यालय मोतिपुरबाट गएको प्रहरी टोलीले ३ जनालाई पक्राउ गरेको हो ।
उनीहरुमाथि थप अनुसन्धान भइरहेको जिल्ला प्रहरी कार्यालय बर्दियाले जानकारी दिएको छ ।
