नेपालगञ्ज : कर्णाली प्रदेश आयुर्वेद अस्पताल सुर्खेतका दुईजना डाक्टर र एकजना स्वास्थ्यकर्मीमाथि हातपात भएकोप्रति नेपाल आयुर्वेद चिकित्सक संघले आफ्नो ध्यानाकर्षण भएको जनाएको छ ।
संघले शुक्रबार विज्ञप्ती जारी गरि दोषीलाई पक्राउ गरेर कानुनी कारवाही नभए सडक आन्दोलनको चेतावनी समेत दिएको छ ।
प्रदेश आयुर्वेद औषधालयमा संचालिन आइसोलेसनमा कार्यरत कार्यालय प्रमुख डा शंकरप्रसाद रिजाल, डा. यादव उपाध्याय र स्वास्थ्यकर्मी लोकप्रसाद रेग्मीमाथि अपरिचित युवाहरुको समूहले सांघातिक आक्रमण गरेको संघले जनाएको छ ।
बाटो ढुकेर बसेका १५ १६ जनाको समूहले सुनियोजितरुपमा चिकित्सक तथा स्वास्थ्यकर्मीमाथि आक्रमण गरेको संघले जारी गरेको विज्ञप्तीमा भनिएको छ ।
डाक्टरमाथि हातपात गर्ने ३ जना युवाहरुलाई भने प्रहरीले नियन्त्रणमा लिइसकेको जनाएको छ ।
