नेपालगञ्ज : बाँकेमा दैनिक उपभोग्य बस्तु खरिदका लागि समय बढाइएको छ । यसअघिको समयमा केही हेरफेर पनि गरिएको छ ।
बैशाख १३ गतेदेखि जारी निषेधाज्ञामा यसअघि विहान ६ बजेदेखि ९ बजेसम्म पसल संचालन गर्न दिइएकोमा अब विहान ७ बजेदेखि ११ बजेसम्मको समय दिइएको छ ।
आजदेखि थप एक साता बढाइएको निषेधाज्ञामा यो समय लागू हुनेछ । खेतीपातीको समय शुरु भएकाले विउविजन, विषादी र कृषि यन्त्र पाइने पसल पनि अब स्वास्थ्य सुरक्षाका मापदण्ड अपनाई संचालन गर्न पाइनेछ । निषेधाज्ञा जेठ १७ गते राति १२ बजेसम्म कायम रहनेछ ।
