नेपालगञ्ज : नेपालगञ्ज उप–महानगरपालिका वडा नम्बर १४ ले कोभिड संक्रमण भई घरमै आईसोलेसनमा बसेकाहरुका लागि स्वास्थ्यकर्मीसहितको स्वास्थ्य सेवा उपलब्ध गराउन सुरु गरेको छ । वडा अध्यक्ष ओमकारनाथ मिश्राको नेतृत्वमा स्वास्थ्यकर्मीहरुको टोलीले संक्रमितहरुको घरघरमा पुगेर स्वास्थ्य सेवा दिन शुरु गरेको छ ।
कोभिड संक्रमित बाहेक कोभिडको लक्षण देखिएका र परीक्षण नगराएका घरमा समेत टोलीले आवश्यक परामर्श दिईरहेको छ । वडाका सम्पूर्ण टोल वस्तीमा पुगेर स्वास्थ्य परामर्श दिइने अध्यक्ष मिश्राले बताए । स्वास्थ्यकर्मीहरुको सिफारिसमा आवश्यक औषधी वडाले निशुल्क पनि उपलब्ध गराईरहेको छ ।
