नेपालगञ्ज : नेपालगञ्जस्थित भेरी अस्पतालको इमरजेन्सी वार्डसमेत कोरोना संक्रमितले भरिएको छ । इमरजेन्सी वार्डमा मात्र १४ जना कोरोना संक्रमित उपचाररत रहेको भेरी अस्पतालले जनाएको छ । इमरजेन्सी वार्डमा उपचाररत अन्य विरामीमा पनि कोरोना संक्रमण लक्षण भएका विरामी रहेको एक स्वास्थ्यकर्मीले बताए ।
त्यसैगरि, इमरजेन्सी वार्ड बाहिर रहेको ज्वरो क्लिनिक पनि संक्रमितले भरिएको छ । टेन्टले बनाइएको उक्त ज्वरो क्लिनिकमा चार जना संक्रमित रहेका छन् । भेरी कोरोना विशेष अस्पतालमा पनि क्षमता भन्दा धेरै विरामी उपचाररत छन् भने कोरोना विशेष अस्पतालको ग्यालरीमा समेत विरामी रहेको अस्पतालले जनाएको छ ।
