बैजनाथ (बाँके) : बाँकेको बैजनाथ गाउँपालिकाको आर्थिक वर्ष २०७७/०७८ को हिउँदे गाउँसभा तथा आठौ गाउसभा गाउपालिकाको भवनमा सुरु भएको छ । सो गाउँसभा बैजनाथ गाउपालिकाका अध्यक्ष मानबहादुर रुचालले उद्घाटन गरेका हुन ।
गाउँ सभाको उद्घाटन सत्रमा उपाध्यक्ष शारदा रेग्मी विश्वकर्मा, वडा न ८ का अध्यक्ष भगन थारु, वडान २ का अध्यक्ष प्रेम थापा र नारायण थारुले सभाको सफलताको शुभकामना व्यक्त गरेका थिए ।
गाउ सभामा स्थानीय सरकारको भुमिका, सुकुम्बासी समस्या समाधान, योजनाहरुको प्रभावकारी कार्यान्वय, कोभिड–१९ ले श्रृजित गरेको अवस्था र न्युनिकरणमा गरिएको प्रयासको बारेमा छलफल गरिएको थियो ।
गाउँ सभाका अध्यक्ष तथा गाउँपालिका अध्यक्ष रुचालले आगामी माघ ५ गते सञ्चालन हुने गरी सभालाई स्थगन गरेको गाउपालिकाका प्रमुख प्रशाशकिय अधिकृत दानबहादुर ऐडीले जानकारी दिए ।
