नेपालगञ्ज : बालविवाह न्युनिकरणमा भुमिका निर्वाह गर्ने पत्रकारका लागि नेपालगञ्जमा दुई दिने कार्यशाला सञ्चालन गरिएको छ ।
बाँकेलाई बालविवाहमुक्त बनाउन सामाजिक सचेतन सरोकार मञ्च (स्याक) नेपालले पत्रकारका लागि सोमवार र मंगलवार कार्यशाला सञ्चालन गरेको हो ।
जिल्लामा बालविवाह रोकथाम परियोजनाअन्तर्गत बाँकेमा बालविवाह न्युनिकरणको कार्यक्रम सञ्चालन गरिरहेको छ ।
जिल्लाका रेडियो तथा अनलाइनका पत्रकार सहभागी कार्यक्रममा बालविवाह न्युनिकरणका लागि पत्रकारको आवश्यकता तथा भुमिका, बालबालिकासंगको व्यवहार तथा बालसंरक्षणको माध्यमबाट समाचार लेख्दा अपनाउनु पर्ने आचारसंहितालगायतका बिषयमा छलफल गरिने परियोजना संयोजक जगदिश थापाले जानकारी दिए ।
